Friday, May 23, 2014

Political fund in India အိန္ဒိယမှာ နိုင်ငံရေးပါတီတွေ ရံပုံငွေ ဘယ်ကနေရနေသလဲ

• နိုင်ငံရေးပါတီကြီး ၂ ခုဖြစ်တဲ့ ကွန်ဂရက်နဲ့ ဘီဂျေပီပါတီတွေကို နှိုင်းယှဉ်ပြောပါမယ်။
• Congress မှာ Motilal Vora မိုတီလာလ် ဗိုရာ နဲ့ Bharatiya Janata Party မှာ Ramdas Agarwal ရမ်းဒတ်စ် အဂါဝေါလ် တို့ဟာ ဆိုင်ရာပါတီရဲ့ ငွေကြေးကိစ္စမှာ နာမည်ကြီးကြပါတယ်။
• အိန္ဒိယရဲ့ ထိပ်တန်းကော်ပိုရိတ်ကြီးတွေက ၉ဝ% ဟာ နိုင်ငံရေးပါတီတွေနဲ့ ဆက်စပ်နေကြတယ်။ ထုတ်လဲ မပြောကြပါ။
• ၂ဝ၁၄ မတ်လ (၂၄) ရက်ကရေးတဲ့ သတင်းဆောင်းပါးထဲမှာ ဗိုရာ ကနေ ထိပ်ဆုံးက စက်မှုလုပ်ငန်းကြီးတွေ ၂၅ ခုကနေ လာမဲ့ရွေးကောက်ပွဲအတွက် ရံပုံငွေတောင်းတယ်လို့ ရေးထားပါတယ်။
• ဘယ်လောက်ရကြသလဲ ခန့်မှန်းကြသူတွေမှာ အတော်ခက်ပါသတဲ့။ များတော့ အများကြီးလို့သာ ပြောနိုင်တယ်။ ဒါဟာ နိုင်ငံရေးပါတီတွေရဲ့ လျို့ဝှက်ချက်တခုပါ။
• ဒီလိုနိုင်ငံရေးရံပုံငွေတွေကို စည်းမျဉ်းထားဘို့အတွက် စက်မှုအသင်းတွေနဲ့ စီးပွါးရေးအဖွဲ့အစည်းတွေက ပွင့်လင်းမြင်သာမှုရှိဘို့ တောင်းဆိုတာလဲရှိပါတယ်။
• Confederation of Indian Industry ကနေ နိုင်ငံရေးပါတီတွေအတွက် ရံပုံငွေကို အဖွဲ့ဝင်ပေါင်း ၄၈ဝဝ ဆီကနေ ချက်လက်မှတ်နဲ့သာ ကောက်ခံယူပါတယ်။ ဒါဟာ ပွင့်လင်းပါဘဲလို့ ထုချေပါတယ်။
• BJP ဘဏ္ဍာရေးမှူး အဂါဝေါလ် က သူ့ပါတီရသမျှ ရံပုံငွေကို ခြူးတပြားမကျန် စာရင်းစစ်ဆေးမှု လုပ်ပါသတဲ့။
• အိန္ဒိယယရဲ့ အကြီးဆုံးစက်မှုလုပ်ငန်းကြီးဖြစ်တဲ့ Tata group တာတာအုပ်စုကနေ သူ့ရဲ့ Electoral Trust ရွေးကောက်ပွဲ ဂေါပကအဖွဲ့ကို ၁၉၉၉ မှာထူထောင်ထားပါတယ်။ အဲဒီ ၁၉၉၉ မှာ စုစုပေါင်း ရူးပီး ၁ဝ သန်း ဖြစ်ပါတယ်။ ဒီနှစ် ၂ဝ၁၄ မှာ ဒိထက်အတော်များမယ်လို့လဲ ဆိုပါတယ်။
• Tata companies ကုမ္ပဏီတွေကနေ ဂေါပကအဖွဲ့မှာ ရံပုံငွေထည့်ဝင်ကြရပါတယ်။ အကြီးတန်း တရားရုံးချုပ်ရှေ့နေ Dinesh Vyas ဒင်းနစ်ရှ် ဗီယပ်စ် ကနေ ဂေါပကကို ဦးဆောင်ပါတယ်။
• Tatas ကနေရှင်းလင်းတာက ဒီလိုဂေါပကထားတာဟာ ပွင့်လင်းမှုရှိပြီး ခွဲခြားမှုလဲ ကင်းစေမယ်၊ ကျန်နေစရာလဲမရှိဘူးလို့ ဆိုပါတယ်။
• အစိုးရအနေနဲ့ ပွင့်လင်းမြင်သာမှုရှိအောင် အဆိုပြုချက် ၃ ခုတင်ပါသေးတယ်။

1. ဥပဒေတခုပြုမယ်။ ရွေးကောက်ပွဲအတွက်နဲ့ ကြားကာလတွေမှာ ပါတီရံပုံငွေတွေကို ခွဲဝေမှုနဲ့ သုံးစွဲမှုအတွက်ဖြစ်မယ်။

2. ပုံမှန်အကောင့်တွေ ထားမယ်။ ပါတီတိုင်းမှာ စာရင်းစစ်ပြီး အကောင့်တွေကို စစ်ဆေးဘို့ရှိနေရမယ်။

3. အစိုးရကနေ ရံပုံငွေထောက်ပံ့ပေးမယ်။

၂ဝဝ၁ ဇန္နဝါရီလမှာ ဥပဒေရေးရာဝန်ကြီးဌာနကနေ အကြောင်းကြားချက်တခု ထုတ်ပါတယ်။ ရွေးကောက်ပွဲ ပြုပြင်ရေး အတွက်ဖြစ်ပါတယ်။ နိုင်ငံရေးအရထည့်ဝင်ငွေတွေကို စည်းမျဉ်းထားဘို့ဖြစ်တယ်။ အစိုးရကိုတောင်းဆိုထားတာက အကောင့်တွေကို စစ်ဆေးပါ။ လူသိရှင်ကြား ထုတ်ပြန်ပါ။ မမှန်ကန်လုပ်တဲ့နိုင်ငံရေးပါတီတွေကို ပယ်ဖျက်ပါ။ တသီးပုဂ္ဂလ ဖြစ်ဖြစ် ကော်ပိုရိတ်တွေဖြစ်ဖြစ် နိုင်ငံရေးရံပုံငွေထည့်နိုင်တယ်။ အများဆုံး သတ်မှတ်ချက်ထားမယ်။ အမြတ်အစွန်းရဲ့ ၅% ထက်မများစေရ။ အဲဒိအတွက် အခွန်လျှောပေါ့ပေးမယ်။ ကော်ပိုရိတ်တွေကိုလဲ ဂေါပကတွေ ထူထောင်ဘို့ အစိုးရကနေ အားပေးဘို့လဲ အကြံပြုတယ်။ ဒီအဆိုပြုချက်ဟာ အစိုးရရုံးထဲက ထွက်မလာပါ။

လွန်ခဲတဲ့နှစ်အနည်းငယ်တုံးက စီးပွါးရေးပညာရှင် Pai Panandikar ပိုင် ပန်နန်ဒီကာ နဲ့ Ramashray Roy ရမ်မက်ရ်ှရေ ရွိုင်း တို့ကနေ အဆိုပြုချက် ထွက်ခဲ့ပါသေးတယ်။
1. အစိုးရကနေထောက်ပံ့ရန်။
2. အစိုးရကနေ တနိုင်ငံလုံးမှာ တမဲ ရူးပီး ၁ဝ နှုန်းနဲ့ ရွေးကောက်ပွဲရံပုံငွေ ထူထောင်ရန်။
3. အထူးရံပုံငွေအေဂျင်စီတရပ်ကနေ ဒါမှမဟုတ် ရွေးကောက်ပွဲကော်မရှင်ကနေ ရံပုံငွေ ကိုင်ရန်။
4. ရွေးကောက်ပွဲမှာ အမတ်လောင်ရတဲ့ မဲအရေအတွက်နဲ့အညီ ငွေထုတ်ပေးရန်။ မဲဆန္ဒနယ်မြေတခုမှာ အများဆုံး ရူးပီး ၁ဝ သိန်း။
5. ငွေကို အမတ်ကိုသာပေးမှာဖြစ်ပြီး သူ့ပါတီကိုမပေးရန်။
6. အရင်ကလုပ်ဆောင်နိုင်မှုကိုကြည့်ပြီး ၅ဝ% ကြိုတင်ထုတ်ပေးရန်။
7. တဦးချင်းရဲ့ အသေစိတ် အကောင့်ကို ရွေးကောက်ပွဲကော်မရှင်ကနေ စစ်ဆေးရန်။
ဒါကိုလဲဘဲ ဆွေးနွေးငြင်းခုန်မှုတွေ မရှိသလောက်ပါ။ ရလဒ်ကတော့ အလှူရှင်နဲ့အလှူခံကြား လှို့ဝှက်ထားရေးသာ ဖြစ်ပါတယ်။

အခု ၂ဝ၁၄ မှာ အပြတ်နိုင်လိုက်တဲ့ ဘီဂျေပီပါတီဟာ ငွေမဲတွေကိုသုံးတယ်လို့ ၂၁-၂-၂ဝ၁၄ နေ့က ပီတီအိုင် သတင်း တခုက ဆိုထားပါတယ်။ ဒီစွပ်စွဲချက်ကို ကျောက်မီးသွေးဝန်ကြီးဌာနဝန်ကြီး Sriprakash Jaiswal ရှရီ ပရာက်ရှ် ဂျေစ်ဝေါလ် ကနေ ဘီဂျေပီပါတီဟာ ကုဋ္ဋေ ၄ဝဝဝ ကိုငွေမဲကနေ ရတယ်လို့ ပြောခဲ့တာပါ။

ဒါတွေကတော့ အိန္ဒိယမှာလုပ်နေကြတာတွေပါ။ သိထားဘို့သာဖြစ်ပြီး အတုမခိုးသင့်ဘူးလို့ မြင်ပါတယ်။ မြန်မာပြည်မှာ ‘ဒီဘိတ်’ စသင့်နေပါပြီ။ ရွေးကောက်ပွဲကော်မရှင်ဆီကနေ အသံစထွက်လာပါပြီ။ ခက်တာက သူတို့ပါးစပ်က ထွက်တာမှန်သမျှ လူထုက မယုံကြပါ။

ဒေါက်တာတင့်ဆွေ
၁၉-၅-၂ဝ၁၄
ည ၁၁ နာရီ၊ ၃၇ မိနစ်။