Wednesday, January 29, 2014

NLD အကြောင်း မေးနေတာတခု ဖတ်ရလို့

• ကျွန်တော့ကိုမေးတာတော့ မဟုတ်ပါ။ NLD မှာ ဒေါ်စုပြီးရင်ဘယ်သူလဲမေးတာ မေးသင့်ပါတယ်။ • အိန္ဒိယမှာ (ကွန်ဂရက်) ပါတီမှာရော (ဘီဂျေပီ) ပါတီမှာပါ၊ အချိန်တိုင်းမယ် ဒုတိယခေါင်းဆောင်ရယ်လို့ မရှိတာ တွေ့ရတယ်။ အမေရိကန် (ဒီမိုကရက်တစ်) နဲ့ (ရီပတ်ကလီကင်) လဲ အဲလိုဘဲ။ ရွေးကောက်ပွဲနီးမှ ထွက်လာလေ့ ရှိတယ်။ ဒါကလဲ ရွေးကောက်ပွဲအနိုင်ရဘို့သာ ဖြစ်ကြတယ်။ • သက်တမ်းရင့်နိုင်ငံရေးပါတီတွေမှာ ပါတီတွင်းလုပ်ငန်းတွေမှာတော့ စနစ်ကျပြီးသား။ NLD ပါတီမှာတော့ ညီလာခံရယ်လို့ တခါထဲရှိသေးတယ်။ ဖွဲ့ခဲ့တာက ၂၇-၉-၁၉၈၈ ကတည်းကဖြစ်တယ်။ ၈၈ လှုပ်ရှားမှုကနေ ပေါ်လာလို့ မတူတာတွေအလွန့်အလွန်များပြီး ပါလာနေခဲ့တယ်။ အခုလဲ ခပ်ဆင်ဆင်ပါဘဲ။ • တဖြေးဖြေး အသွင်ပြောင်းလာနေတယ်။ အခုဆိုရင် (ကျွန်တော့အမြင်) “အဖွဲ့ချုပ်” လို့ မဟုတ်တော့ဘူး။ • ကျင်းပလိုက်တဲ့ညီလာခံမှာလဲ ကြားတဲ့အတိုင်း အခက်အခဲတွေ အများကြီး ရှိခဲ့တယ်။ ဒါတွေက ရင်ဆိုင် ဖြတ်သန်းရမဲ့ ပြောင်းလဲမှုဖြစ်စဉ်သာဖြစ်တယ်။ • NLD ဟာ နိုင်ငံရေးပါတီတခုအနေနဲ့ အေးအေးဆေးဆေး လွတ်လွတ်လပ်လပ် လှုပ်ရှားဆောင်ရွက်ချိန် အင်မတန် တိုတောင်းသေးတယ်။ • ဒီမိုကရေစီသဘောအရလဲ ပြောင်းရမှာဘဲ။ လူသစ်တွေ ဝင်လာရမှာဘဲ။ လူကြီး-လူငယ်၊ လူဟောင်း-လူသစ်၊ ကူးပြောင်းမှုတိုင်း၊ လက်ဆင့်ကမ်းမှုတိုင်းမှာ ချောမွေ့လှတယ်တော့ မရှိတတ်ပါ။ • မြန်မာပြည်နိုင်ငံရေးက ပုံမှန် (နော်မယ်) မဟုတ်သေးပါ။ လိုက်လျောညီထွေ လုပ်စရာတွေရှိမယ်။ (ညီလာခံမှာ CEC ဖွဲ့တာကို ကြည့်ပါ။) • ကုန်ကုန်ပြောရရင် ဒေါ်စုကို အစားထိုးစရာမရှိတာ မှန်ပေမဲ့ ဖြစ်လာတဲ့အခြေအနေအတိုင်း NLD ဟာ ဆက်လက် ချီတက်နေမှာပါဘဲ။ ပြီးခဲ့တာတွေကို အခြေခံ၊ လာမဲ့ဟာတွေအတွက် သိပ်ကြောင့်ကျမှုမထားဘဲ ပစက္ခမှာ ဘာလုပ်ရမလဲအတွက်ပိုပြီး လုံ့၊ ဝီရိယ စိုက်ထုတ်ကြရမှာပါ။ • ကျွန်တော်တော့ အပြုသဘောသာမြင်ပါတယ်။ ဒေါက်တာတင့်ဆွေ၊ ၂၈-၁-၂ဝ၁၄