Thursday, November 14, 2013

မာနယ်ပလော

မာနယ်ပလောသည် KNU ကရင်အမျိုးသားအစည်းအရုံးကြီး၏ အမာခံအခြေစိုက်စခန်းကြီးဖြစ်၏။ ကေအဲန်ယူ၏ ဗဟိုဌာနချုပ်ဖြစ်သည်သာမက၊ မြန်မာနိုင်ငံအစိုးရအား အတိုက်အခံပြု ဆန့်ကျင်လျှက်ရှိသော တိုင်းရင်းသား လူမျိုးစု အဖွဲ့အစည်းများ၏ (NDF) တပ်ပေါင်းစု ဗဟိုဌာနချုပ်အဖြစ် ထယ်ဝါစွာ ရပ်တည်နိုင်ခဲ့သော စခန်းကြီးလည်း ဖြစ်၏။

• မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး (ABSDF)၊
• ပြည်ထောင်စုမြန်မာနိုင်ငံအမျိုးသားညွန့်ပေါင်းအစိုးရ (NCGUB)၊
• မြန်မာနိုင်ငံလုံးဆိုင်ရာရဟန်းပျိုသမဂ္ဂ (ABYMU)၊
• အမျိုးသားဒီမိုကရေစီအဖွဲ့ချုပ်လွတ်မြောက်နယ်မြေ (NLD/L.A)၊
• လူ့ဘောင်သစ်ဒီမိုကရက်တစ်ပါတီ (DPNS)၊
• ပြည်သူ့လွတ်မြောက်ရေးတပ်ဦး (PLF)၊
• ပြည်သူ့ပြည်ချစ်ပါတီ (PPP)၊
• မြန်မာနိုင်ငံလုံးဆိုင်ရာမွတ်စလင်များအစည်း အရုံး (ABMU) အစရှိသော ပြည်တွင်းပြည်ပ လူထုထောက်ခံမှုကို ရရှိနေသည့် တော်လှန်ရေးအဖွဲ့အစည်းများ၏ လွတ်မြောက်နယ်မြေလည်းဖြစ်၏။

ဒီမိုကရေစီကိုလိုလားကြသောလူထုကြီး၏ ယုံကြည်လေးစားရာ၊ အမျိုးသားလွတ်မြောက်ရေးကို တောင့်တကြသော တိုင်းရင်းသားပြည်သူများ၏ မျှော်လင့်အားထားရာ၊ ကမ္ဘာ့လူထုအများစုလက်မခံသည့် နဝတ စစ်အုပ်စု၏ မုန်းတီး ကြောက်ရွံ့ အပုပ်ချရာဖြစ်သော၊ ထို မာနယ်ပလောစခန်းကြီးအား တော်လှန်ရေးအဖွဲ့အစည်းများအနေဖြင့် ဆက်လက် ချုပ်ကိုင်ထားရန် မဖြစ်နိုင်တော့သည့်အခြေအနေသို့ ဆိုက်ရောက်လာရသောကြောင့် ၁၉၉၅ ခုနှစ် ဇန်နဝါရီလ (၂၆) ရက်နေ့တွင် မီးရှို့ဖျက်ဆီး စွန့်ခွာခဲ့ရလေသည်။

မှတ်ချက်။
(၁) မာနယ်ပလော (သို့မဟုတ်) မြစ်ဆုံအရေးအခင်း အပိုင်း(၁) မှ ကူးယူပါသည်။
(၂) ကျွန်တော်သိသလောက် ကချင် KIO ရုံးလဲရှိပါတယ်။ ကချင်ကုန်းလို့ခေါ်ကြတယ်။ ရခိုင် ALP ရုံး၊ မွန် NMSP ရုံးလဲ ရှိပါတယ်။ မာနယ်ပလောမှာ မော်တော်ကားလမ်းတွေလဲရှိတယ်။ ရေအားလျှပ်စစ်လဲရှိတယ်။ လက်ဖက်ရည်ဆိုင်လဲ ရှိတယ်။ NCGUB ရုံးမှာ ဖိုတိုကော်ပီယာစက်လဲ ရှိတယ်။ ဗုံးခိုကျင်းလဲရှိပါတယ်။ NLD/LA မှာ ရေဒီယိုဆက်သွယ်ရေးစခန်းနဲ့ “ဒေါ်အောင်ဆန်းစုကြည့်လမ်း” ရှိတယ်။

ဒေါက်တာတင့်ဆွေ
၁၅-၁၁-၂ဝ၁၃