Friday, July 12, 2013

နာမည်အတွက် စစ်ပွဲ

အခုမြန်မာနိုင်ငံမှာ ဗုဒ္ဓဘာသာဝင်တွေနဲ့ အစ္စလမ်ဘာသာဝင်တွေအကြား ဖြစ်နေရတဲ့ ပြဿနာဟာ ဗုဒ္ဓဘာသာဝင်တွေက ကံတရားလို့ မှတ်ယူပြီး၊ အစ္စလမ်ဘာသာဝင်တွေက အလာရှင်အလိုတော်အရလို့ ယူဆမလား မသိပါ။ ဒီကောက်ချက်ဟာ ယေဘုယျသာဖြစ်ပြီး ဘာသာကြီးနှစ်ခုလုံးထဲက ဘာသာတရားကို လေးနက်သူများက ဒိထက်မက တန်ဘိုးရှိတဲ့စကားတွေ ပြောနိုင်ပါမယ်။ ဘာသာရေးကို လက်လှမ်းမမီလို့ထားပါရစေ၊ နိုင်ငံရေးလိုတွေးပါမယ်။

“ရိုဟင်ဂျာ” အမည်ကို ပညာရှင်တွေ၊ သမိုင်းသုတေသီတွေက အမျိုးမျိုးရေးနေကြတာ ရှိပါတယ်။ မြန်မာနိုင်ငံအစိုးရကလဲ ရပ်တည်ချက်ကို အကြိမ်ကြိမ်ထုတ်ပြောနေရပါတယ်။ စာရင်းထဲမှာ ဒီနာမည်မပါလို့ တရားဝင် ဆိုထားပါတယ်။

“နာမည်အတွက်စစ်ပွဲ” လို့ ခေါင်းစဉ်တပ်နိုင်ပါတယ်။ ရိုဟင်ဂျာဆိုတဲ့ အမည်အတွက် စစ်ဗျူဟာခင်းပြီး၊ တိုက်ပွဲ အသေး၊ အလတ်၊ အကြီးတွေ ဆင်နွဲနေတာဖြစ်ပါတယ်။ ဘယ်စစ်သူကြီးမဆို၊ ထိုးစစ်၊ ခံစစ်၊ ရှေ့တက်၊ နောက်ဆုပ်၊ အလျှော့ပေး၊ အနီးကပ်တိုက်ပွဲ၊ ညတိုက်ပွဲစတာတွေကို လိုတဲ့အချိန်နဲ့ လိုတဲ့နေရာတွေမှာ ပြောင်းလဲကျင့်သုံးပါတယ်။ အကျအဆုံးနဲ့ ပေးဆပ်ရမှုတွေဟာ နောက်ဆုံးတောင်ကုန်း သိမ်းဘို့အတွက်သာ ဖြစ်ပါတယ်။

စစ်ပွဲကြီးတွေမှာ မဟာမိတ်ဖွဲ့ပြီး ကိုယ့်ဘက်ကိုယ် အင်အားစုစည်းရပါတယ်။ ဗုဒ္ဓဘာသာဘက်မှာတော့ မဟာမိတ်ဆိုတာ အလွန်ရှားပါးပါတယ်။ တိုင်းမဂ္ဂဇင်းကို ပိတ်တာ သီရိလင်္ကာနိုင်ငံသာရှိပါတယ်။ တိဘက်ဘုန်းတော်ကြီးက Secularism (ဆက်ကူလာရဇင်) ဆိုတဲ့ ဘာသာစုံကိုးကွယ်မှု အယူအဆကို လက်ခံသူဖြစ်ပြီး နိုင်ငံရေးအင်မတန်ဆန်ပါတယ်။ ထိုင်းနိုင်ငံမှာကတော့ သူ့ဘုန်းကြီးတွေနဲ့သူ ရှုတ်နေတာပါ။

တခြားတဖက်မှာတော့ Organisation of Islamic Cooperation (OIC) ထဲမယ် ၅၇ နိုင်ငံပါတယ်။ လေ့လာသူ နိုင်ငံပေါင်း ၅ နိုင်ငံ ရှိတယ်။ ဘာသာရေး အဖွဲ့အစည်းပေါင်း (၁ + ၁ + ၅) ၇ ခုပါတယ်။

Organisation of Islamic Cooperation (OIC) အဖွဲ့ကြီးရဲ့ အထွေထွေအတွင်းရေမှူးချုပ် ပါမောက္ခ Ekmeleddin Ihsanoglu (အက်ဂ်မယ်လဒင် အစ်ဆန်နိုဂလူ) ကနေ မြန်မာအစိုးရကို မွတ်ဆလင်မှန်သမျှကို ခွဲခြားဆက်ဆံမှုအားလုံး ဖျက်သိမ်းဘို့နဲ့ ဗုဒ္ဓဘာသာဝင် အစွန်းရောက်တွေကနေ လူထုကို လှုံ့တော်မှုတွေ မလုပ်စေအောင်တားမြစ်ဘို့ တာဝန်ပေးလိုက်တယ်။ သတိပြုဘို့က Demand တောင်းဆိုတာ၊ Request မေတ္တာရပ်ခံတာ၊ Urge တိုက်တွန်းတာ မဟုတ်ပါ။ Tasked တာဝန်ပေးလိုက်တယ်လို့ သုံးနှုံးထားပါတယ်။

သူပြောတာထဲမှာ ၂ဝဝ၅ ခုနှစ် ဥပဒေအရ ရိုဟင်ဂျာမွတ်ဆလင် မိသားစုတွေကို ကလေး ၂ ယောက်ထက် ပိုမယူရလို့ ဘူးသီးတောင်နဲ့ မောင်းတောမြို့နယ်တွေမှာ လုပ်ထားခြင်းဟာလည်း ခွဲခြားမှုဘဲလို့ ပါရှိပါသေးတယ်။ လူ့အခွင့်အရေး ချိုးဖေါက်တာ ဖြစ်တယ်လို့ ဆိုထားပါတယ်။ သူကနေ နိုင်ငံတကာ၊ ဒေသတွင်း၊ နိုင်ငံတွင်းတွေမှာ မြန်မာနိုင်ငံက အဲဒီ ပြဿနာအတွက် ငြိမ်းချမ်းပြီး၊ တာရှည်တည်တန့်မဲ့ အဖြေရှာရေး လုပ်ဆောင်ကြဘို့လဲ တိုက်တွန်းပါသေးတယ်။

သူ့မိန့်ခွန်းဟာ ဂျက်ဒါးမှာ ကျင်းပတဲ့ Arakan Rohingya Union Congress ကွန်ဂရက်မှာ ပြောတာပါ။ သူမိန့်ခွန်း ပြောတဲ့နေ့ ၇-၇-၂ဝ၁၃ နေ့မှာဘဲ၊ ဗုဒ္ဓဘာသာရဲ့ အထွတ်အမြတ်ဆုံးနေရာ ဗုဒ္ဓဂယာမှာ ဗုံးတွေခွဲပါတယ်။

Arakan Rohingya Union ကို ၃ဝ-၅-၂ဝ၁၁ နေ့မှာ ထူထောင်ခဲ့တာဖြစ်ပါတယ်။ Union ကို ဘယ်လိုဘာသာပြန်ပါမလဲ။ မြန်မာနိုင်ငံမှာတော့ “ပြည်ထောင်စု” ဟာ အင်္ဂလိပ်လို Union လို့ သမိုင်းတွင်တဲ့ အမည်နာမဖြစ်ပါတယ်။ ပြည်ထောင်စု ဆိုတာ မြန်မာလိုကနေ အင်္ဂလိပ်လိုပြန်ရင်တော့ Union တလုံးတည်း မဟုတ်တဲ့ စကားလုံးတွေ ရှိပါသေးတယ်။ ဘယ်လို ကွဲလွဲပါစေ ကျောင်းသားသမဂ္ဂ၊ အလုပ်သမားသမဂ္ဂ၊ စတာတွေ္ဂသာ မဟုတ်ဘူးဆိုရင်ဖြင့် Union ဆိုတာ “ပေါင်းစည်းထားတဲ့နိုင်ငံ” လို့ အဓိပ္ပါယ်ရပါတယ်။

Arakan Rohingya Union “ရခိုင် ရိုဟင်ဂျာ ပြည်ထောင်စု သို့မဟုတ် နိုင်ငံ” လို့ ဆိုချင်သလား မပြောတတ်ပါခင်ဗျား။

ကျွန်တော် စကားပလ္လင်ခံခဲ့ပါတယ်။ ဘာသာရေး မပြောပါ။ နိုင်ငံရေးသာ ပြောပါတယ်။

ဒေါက်တာတင့်ဆွေ
၁၃-၇-၂ဝ၁၃