Friday, June 14, 2013

ဂန္ဓီခန်းမကြေညာစာတမ်း

အမျိုးသားဒီမိုကရေစီအဖွဲ့ချုပ် ရန်ကုန်မြို့ “ဂန္ဓီခန်းမကြေညာစာတမ်း” နေ့စွဲ ၁၃၅၂ ခုနှစ်၊ ဝါခေါင်လဆန်း (၇၊ ၈)ရက် ၁၉၉ဝပြည့်နှစ်၊ ဇူလိုင်လ (၂၈၊ ၂၉)ရက် ၁။ အမျိုးသားဒီမိုကရေစီအဖွဲ့ချုပ်မှပြည်သူ့လွှတ်တော်ကိုယ်စားလှယ်များဖြစ်ကြကုန်သော ကျွန်ုပ်တို့သည် မြန်မာ့ သက္ကရာဇ် ၁၃၅၂ခုနှစ် ဝါခေါင်လဆန်းရရက်နေ့၊ (၈) ရက် (၁၉၉ဝ ပြည့်နှစ်၊ ဇူလိုင် ၂၈ ရက်နှင့် ၂၉ ရက်)နေ့များတွင် ရန်ကုန်မြို့ ကျောက်တံတားမြို့နယ်ရှိ မဟတ္တမဂန္ဓီခန်းမဆောင်၌ စုဝေးရောက်ရှိကြပြီး၊ တိုင်းရင်းသားပြည်သူတရပ်လုံး ၏အကျိုးငှာ နိုင်ငံတော်ရေးရာအဖြာဖြာနှင့် ပြည့်သူလွှတ်တော်ခေါ်ဆိုဖွဲ့စည်းရေးကိစ္စအဝဝတို့ကို ဆွေးနွေး ညှိနှိုင်း တိုင်ပင်ကြပြီးသကာလ တညီတညွှတ်တည်း ဆုံးဖြတ်ကာ ဤ “ဂန္ဓီးခန်းမကြေညာစာတမ်း”ကိုထုတ်ပြန်ကြေညာ လိုက်ကြပေသည်။ ၂။ မြန်မာနိုင်ငံတွင်နှစ်ပေါင်း (၃ဝ) အတွင်း ပထမဆုံးအကြိမ်အဖြစ် ၁၉၉ဝ ပြည့်နှစ် မေ (၂၇)ရက်နေ့၌ ကျင်းပခဲ့သော ပါတီစုံ အထွေထွေရွေးကောက်ပွဲကြီးတွင် ပြည်သူ့လွှတ်တော်ကိုယ်စားလှယ်နေရာ ၄၈၅ နေရာအတွက် ကျင်းပခဲ့ရာ၌ အမျိုးသားဒီမိုကရေစီအဖွဲ့ချုပ်သည် အများပြည်သူလူထုကြီး၏ တခဲနက်သော ထောက်ခံမှုတို့ဖြင့် ပြည်သူ့လွှတ် တော်ကိုယ်စားလှယ်နေရာ (၃၉၂) နေရာတွင်အနိုင်ရရှိခဲ့ပေသည်။ သို့ရာတွင် အမျိုးသားဒီမိုကရေစီအဖွဲ့ချုပ်သည် ကမ္ဘာ့ဒီမိုကရေစီနိုင်ငံများ၏ ကျင့်ထုံးများအတိုင်း ဖွဲ့စည်းရမည့် အစိုးရတရပ်ကို ခိုင်မာစွာဖွဲ့စည်းနိုင် လောက်သည့် ထက်ဝက်ကျော် ပြည်သူ့လွှတ်တော် အင်အားထက်ကျော်လွန်ရုံမျှမက လွှတ်တော်ကိုယ်စားလှယ် အရေအတွက်၏ ရာခိုင်နှုန်း(၈ဝ)ကျော်အထိ လုံးလုံးလျားလျားအနိုင်ရရှိခဲ့သဖြင့် ပြည်သူ့လွှတ်တော်အား ဦးဆောင်နိုင်သော အနေ အထားကို ခိုင်မာရရှိထားပြီဖြစ်ပေသည်။ ၃။ ယခုအခါ ပါတီစုံဒီမိုကရေစီအထွေထွေ ရွေးကောက်ပွဲကြီးကို အောင်မြင်စွာကျင်းပပြီးခဲ့ပြီးဖြစ်ပေသည်။ အထွေထွေ ရွေးကောက်ပွဲကြီးပြီးလျှင် ပြည်သူ့လွှတ်တော်ကို မရှေးအနှောင်းကာလ၌ အမြန်ဆုံးဖွဲ့စည်းပေးရမည်မှာ ဓမ္မတာပင် ဖြစ်ပေသည်။ ပြည်သူလူထုကလည်း ဤအတိုင်း မျှော်လင့်နေကြပေသည်။ သို့သော် ရွေးကောက်ပွဲကြီးပြီး၍ ရက်ပေါင်း (၆ဝ) ကျော်လာသည့်တိုင်အောင် ပြည်သူ့လွှတ်တော်ကို မဖွဲ့စည်းရသေးပေ။ ရွေးကောက်ပွဲတွင် လုံးလုံးလျားလျား အများစုအနိုင်ရထားသော အမျိုးသားဒီမိုကရေစီအဖွဲ့ချုပ်သည် နိုင်ငံတော်အတွက် လောလောဆယ်အကျိုးစီးပွားနှင့်ရေရှည်အနာဂတ်ကာလအကျိုးစီးပွားများကို အခြေခံထား၍ တမျိုးသားလုံး ပြန်လည် သင့်မြတ်ရေး စိတ်ဓါတ်ဖြင့် ပွင့်လင်းသော ရိုးသားသောစေတနာအပြည့်ပါသော နှစ်ဦးနှစ်ဖက်ညှိနှိုင်းဆွေးနွေး ဆောင်ရွက်မှုများ ပြုလုပ်သွားရန် နိုင်ငံတော်ငြိမ်ဝပ်ပိပြားတည်ဆောက်ရေးအဖွဲ့သို့ အမျိုးသား ဒီမိုကရေစီအဖွဲ့ချုပ် အလုပ်မှုဆောင်အဖွဲ့မှ အဆိုပြုချက်ကိုလည်း နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့ကတစုံတရာ အကြောင်း ပြန်ကြားခြင်း မရှိခဲ့သေးပါ။ ၄။ ရဟန်းရှင်လူပြည်သူများ၊ လယ်သမားများ၊ အလုပ်သမားများ၊ ကျောင်းသားလူငယ်များ၊ ဝန်ထမ်းများ အပါအဝင် ဖြစ်သော တိုင်းရင်းသားပြည်သူလူထုကြီးသည် နိုင်ငံတော်ဒီမိုကရေစီအခွင့်အရေးများ ကန့်သတ်ခံတားရမှုကြောင့် လက်ရှိမျက်မှောက်ပြုနေရသော စားဝတ်နေရေးကျပ်တည်းမှု၊ စိုးရိမ်ထိတ်လန့်မှုနေရမှုနှင့် သောကဗျာပါဒဘေးမှ ကင်း လွတ်ရေးတို့အတွက်ဒီမိုကရေစီအုပ်ချုပ်ရေးစနစ် အမြန်ဆုံးကူးပြောင်းရောက်ရှိရန် ဆန္ဒပြင်းပြလျက်ရှိနေပေသည်။ ၅။ ဒီမိုကရေစီကျင့်သုံးသည့် ယဉ်ကျေးသောလူ့အဖွဲ့အစည်းတိုင်းနိုင်ငံတိုင်းတွင် ပြည်သူ့လွှတ်တော်ကို အမြင့်ဆုံး သောမဏ္ဍိုင်ကြီးတရပ်အဖြစ် ပြည်သူတရပ်လုံးကအလေးအမြတ်ပြုထားခြင်းအားဖြင့် နိုင်ငံဂုဏ်ကျက်သရေကိုမြှင့်တင် ကြစမြဲဖြစ်ပေသည်။ ကျွန်ုပ်တို့ မြန်မာနိုင်ငံတွင်လည်းဒီမိုကရေစီပြည်သူ့လွှတ်တော်ကြီးတရပ် ငွားငွားစွင့်စွင့် တည်ရှိ နေမှသာ ကျက်သရေမင်္ဂလာ ထည်ဝါပြည့်စုံပြီး ကမ္ဘာ့အလယ်တွင် လေးစားခံထိုက်သော ဂုဏ်အပေါင်းဖြင့် တင့်တယ်ပေမည်ဟု ကျွန်ုပ်တို့ အလးအနက်ယုံကြည်ကြပေသည်။ ၆။ ယနေ့ပြည်သူတို့ရင်ဆိုင်နေရသော နိုင်ငံရေး၊ စီပွားရေး၊လူမှုရေးစသော အကျပ်အတည်းများသည် ပြည်သူတို့က ယုံကြည်ကိုးစားစွာ ရွေးချယ်တင်မြောက်လိုက်သည့် ပြည်သူလွှတ်တော်ကိုယ်စားလှယ်များဖြင့် ဖွဲ့စည်းထားသော ပြည်သူ့လွှတ်တော်ကသာ ဦးဆောင်၍ ပြည်သူ့ဆန္နနှင့်အညီဖြေရှင်းအပ်သည်။ သို့ဖြစ်ရာ ပြည်သူ့ လွှတ်တော်ရွေးကောက်ပွဲဥပဒေ အခန်း(၂)၊ ပုဒ်မ-၃ ၌ ပြဋ္ဌာန်းထားသော “လွှတ်တော်ကို မဲဆန္ဒနယ်များမှ ဤဥပဒေနှင့်အညီရွေးကောက်တင်မြှောက်လိုက်သော လွှတ်တော်ကိုယ် စားလှယ်များဖြင့် ဖွဲ့စည်းရမည်” ဟူသောပြဌာန်းချက်နှင့်အညီ ပြည်သူ့လွှတ်တော်ကို အမြန်ဆုံးခေါ်ယူဖွဲ့စည်းပေးရန်အရေးတကြီး လိုအပ် နေပေသည်။ ၇။ ပြည်သူ့လွှတ်တော်ဖွဲ့စည်းရေးသည် တာဝန်ရှိကြကုန်သောသက်ဆိုင်ရာများအဖို့ တရားဥပဒေအရလည်းကောင်း၊ ကျင့်ဝတ်အရလည်းကောင်း၊ ပျက်ကွက်ခြင်းငှာ လုံးဝမဖြစ်နိုင်သည့်အပြင် ဖြစ်ပေါ်နေသော ပြည်သူတို့၏ဆန္ဒနှင့် တိုင်းပြည်၏ အကျပ်အတည်းအခြေအနေအရပ်ရပ်တို့ကို ထောက်ထားပါလျှင်လည်း ပြည်သူ့လွှတ်တော် ခေါ်ယူဖွဲ့စည်းရေး ကို ပျက်ကွက်ခြင်းငှာ လုံးဝမထိုက်ဟုကျွန်ုပ်တို့ခံယူပေသည်။ ၈။ သို့ဖြစ်ရကား ပြည်သူ့လွှတ်တော်ကို အမြန်ဆုံးမဖြစ်မနေမွေးဖွားသန့်စင်ပေးရပေတော့မည်။ ပြည်သူ့လွှတ်တော် ရွေးကောက်ပွဲ အခန်း(၁) ပုဒ်မ၂(က)တွင် “လွှတ်တော်ဆိုသည်မှာ ပြည်သူ့လွှတ်တော်ကို ဆိုသည်”ဟု ပြဋ္ဌာန်းထားချက် ယခုပေါ်ပေါက်လာမည့် ပြည်သူ့လွှတ်တော်သည် တိုင်းပြုပြည်ပြုလွှတ်တော် မဟုတ်ကြောင်းကိုလည်း ကျွန်ုပ်တို့ အလေးအနက် ခံယူထားပေသည်။ ဥပဒေနှင့်အညီ ဖြစ်အပ်သောအာဏာ(သို့တည်းမဟုတ်) ဥပဒေနှင့်အညီဖြစ်အပ်သော အာဏာလွှဲပြောင်းရေးကိစ္စ တို့နှင့် ပတ်သက်၍ဖွဲ့စည်းအုပ်ချုပ်ပုံအခြေခံဥပဒေတရပ်ကို အမျိုးသားဒီမိုကရေစီအဖွဲ့ချုပ်မှ အသင့် ရေးဆွဲထား ရှိပြီးဖြစ်ကြောင်း သိရှိရ၍ ကျွန်ုပ်တို့ကကြိုဆိုပေသည်။ အဆိုပါ ၁၉၉ဝ ပြည့်နှစ် ယာယီဖွဲ့စည်းအုပ်ချုပ်ပုံ အခြေခံဥပဒေ(မူကြမ်း)ကို အမျိုးသားဒီမိုကရေစီအဖွဲ့ချုပ် အနေဖြင့် အခြားအဖွဲ့အစည်းအသီးသီးနှင့် ညှိနှိုင်းဆွေးနွေးမည့် အစီအစဉ်ကိုလည်း ကျွန်ုပ်တို့က ထောက်ခံပေသည်။ ဤ ယာယီ ဖွဲ့စည်းပုံအခြေခံဥပဒေအားဖြင့် ဥပဒေနှင့်အညီ အာဏာလွှဲပြောင်းရေးကို ဖြစ်မြောက်အပ်သည်ဟု ကျွန်ုပ်တို့က တညီတညွတ်တည်း ယူဆကြပေသည်။ ၉။ ထို့ နောက်ဒီမိုကရေစီ ပြည်ထောင်စုအတွက် ရည်သန်သောဖွဲ့စည်းအုပ်ချုပ်ပုံ အခြေခံဥပဒေသစ်ကို ကျွန်ုပ်တို့ ပါဝင်သော ပြည်သူ့လွှတ်တောက်ကသာလျှင် ရေးဆွဲပြဋ္ဌာန်း အတည်ပြုရန် တာဝန်ရှိပေသည်။ ကျွန်ုပ်တို့ကလည်း ထိုတာဝန်ကို ထမ်းဆောင်သောအခါ၌ ကျယ်ပြန့်စွာ ညှိနှိုင်းဆောင်ရွက်သွားကြမည်ဖြစ်ပေသည်။ သို့သော် ပြည်သူ့လွှတ်တော်၏ အာဏာအပ်နှင့်မှုမရှိဘဲ ပြည်သူ့ပြည်သူ့လွှတ်တော်၏အာဏာစက်မရှိဘဲ ပြည်သူ့ လွှတ်တော်၏ အဆောင်အယောင်အရှိန်အဝါမရှိဘဲ ပြည်သူ့လွှတ်တော်မှအပ အခြားမည်သည့် နေရာ မည်သည့် အချိန်၌မဆို ဖွဲ့စည်းအုပ်ချုပ်ပုံ အခြေခံဥပဒေကို ရေးဆွဲခွင့်လည်းမရှိ ပြဋ္ဌာန်းအတည်ပြုခွင့်လည်းမရှိ ဤရေးဆွဲကြမည် ဆိုလျှင် လွှတ်တော်အာဏာစက် မရှိသဖြင့် ဥပဒေအာဏာစက်လည်း ရှိလ်ိမ့်မည်မဟုတ်ပေ။ ဤလမ်းကြောင်းအတိုင်း ဆောင်ရွက်မှုသည် သိက္ခာပင်ရှိလိမ့်မည်မဟုတ်ဟု ကျွန်ုပ်တို့ယူဆသည်။ ထိုကြောင့် ပြည်သူလူထု လိုလားတောင်းတနေသော ဒီမိုကရေစီပြည်ထောင်စုသစ်ကြီးကို ထူထောင်ရန်အတွက် ရည်သန်သောဖွဲ့စည်ပုံအခြေခံဥပဒေသစ် ရေးဆွဲရန်အလို့ငှာပင် ပြည်သူ့လွှတ်တော်ကို ဆောလျင်စွာ ခေါ်ယူဖွဲ့စည်း ပေးရန် အထူးလိုအပ်ကြောင်း ထင်ရှားပေသည်။ ၁ဝ။ ဤနေရာတွင် ဒီမိုကရေစီအစိုးရမပေါ်ပေါက်မီ ကာလတလျှောက် မလွဲမသွေ၊ မရှောင်မလွဲသာပေါ်ပေါက်မည့် ဒီမိုကရေစီ အခွင့်အရေးပြဿနာများကိုလည်း ချောမောစွာ ကိုင်တွယ်ဖြေရှင်းကြရလိမ့်မည်ဟု ကျွန်ုပ်တို့ သဘောရရှိပေသည်။ ဒီမိုကရေစီ အစိုးရပေါ်ထွန်းသည့် အခါကျမှသာ ဒီမိုကရေစီအခွင့်အရေးတွေရရှိစေ၊ ဤသို့ မပေါ်ထွန်းမီ ကာလ၌မူ ဒီမိုကရေစီအခွင့်အရေးများ ဆိတ်သုံးနေစေဆိုသည့် အဖြစ်မျိုးကားလုံးဝမလိုလားအပ်ပေ။ ဒီမိုကရေစီအစိုးရမပေါ်ပေါက်မီ ကာလတလျှောက် ဒီမိုကရေစီအခြေအနေများ ဖန်တီးပေးမှသာ ဒီမိုကရေစီ ပြည်ထောင်စုသစ် ထူထောင်ရေးအထိ အေးချမ်းသာယာစွာ ညင်သာသောအသွင်ဖြင့် အထောက်အကူပြု ဖြစ်ထွန်းသွားလိမ့်မည် ဟုကျွန်ုပ်တို့ယုံကြည်ပေသည်။ ဒီမိုကရေစီအခြေအနေများပါရှိမှလည်း ပြည်သူလူထုသည် တထိတ်ထိတ်တလန့်လန့် နှင့် ကျီးလန့်စာစားနေရသော ဗျာပါဒဘေးတို့မှ ကင်းဝေးကြသည်ဖြစ်၍ ကိုယ်စိတ်နှစ်ပါး ချမ်းသာကား ဒီမိုကရေစီ ပြည်ထောင်စုသစ်မူ၊ ထူထောင်ရေးကို တက်ညီလက်ညီ ကိုယ်စီ အသိစိတ်ဓါတ်ဖြင့် ဆောင်ရွက်သွားနိုင်ကြပါမည်။ ဤကာလများအတွင်း အများပြည်သူလူထုအတွက် အနိမ့်ဆုံးအားဖြင့် ခံစားထိုက်သော လွတ်လပ်စွာရေးသား ပုံနှိပ်ထုတ်ဝေခွင့် လွတ်လပ်စွာယူဆတင်ပြထုတ်ဝေခွင့်တို့သည် စည်ပင်နေရပါမည်။ ပြည့်သူလွှတ်တော် အစိုးရတရပ်ကို လွတ်လွတ်ကျွတ်ကျွတ် ဖွဲ့စည်းနိုင်လောက်အောင် လွှတ်တော်ကိုယ်စားလှယ် လုံးလုံးလျားလျား အများစုရရှိထားသော အမျိုးသားဒီမိုကရေစီအဖွဲ့ချုပ်ကိုယ်တိုင်က အနိမ့်ဆုံး ဒီမိုကရေစီအခွင့်အရေးတို့ကိုပင် ဆုံးရှုံး အနစ်နာခံနေရသည်ဟု ဆိုလျှင် ဖြစ်ရိုးဖြစ်စဉ် နိုင်ငံရေး သဘာဝယုတ္တိများနှင့် လုံးဝဖီလာဖြစ်နေပေမည်။ ပြည်သူလူထုအမြင် ကမ္ဘာ့ အမြင်တို့၌ အလွန်တရာမှ အကျည်းတန်နေမည်မှာ သေချာပေသည်။ ကျွန်ုပ်တို့သည် ပါတီစုံဒီမိုကရေစီအထွေထွေ ရွေးကောက်ပွဲကြီးမှတဆင့် မဲဆန္ဒရှင် ပြည်သူလူထု၏ဆန္ဒ အဆုံး အဖြတ်ကို ရယူထားသူများဖြစ်၍ ထိုသဘာဝနှင့်လိုက်လျောညီထွေစွာ သင့်တင့်လျောက်ပတ်သော အဆင့်အတန်းကို ရရှိကြရပေမည်။ ယုတ်စွအဆုံး ကျွန်ုပ်တို့အား အနှောက်အယှက်အဟန့်အတား၊ ခြိမ်းခြောက်မူတို့မှ ကင်းဝေးစေရ ပါမည်။ ၁၁။ လောလောဆယ် အခြေအနေအရ ကျွန်ုပ်တို့နိုင်ငံတွင် တပါတီစနစ်မှ ပါတီစုံဒီမိုကရေစီစနစ်သို့ ကူပြောင်းရ မည်ဖြစ်သဖြင့် ဖြေရှင်းဆောင်ရွက်ရမည့် အကျပ်အတည်း အခက်အခဲ ပြဿနာများရှိရမည်ကို ကျွန်ုပ်တို့ ကောင်းစွာ သတိမှုမိကြပေသည်။ ယင်းပြဿနာများ၊ အခက်အခဲ အကျပ်အတည်းများကိုလည်း ဒီမိုကရေစီအခြေခံတရားများကို မထိပါး မပျက်ယွင်းစေဘဲ၊ အမျိုးသားဒီမိုကရေစီအဖွဲ့ချုပ်နှင့် နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့တို့သည် တမျိုးသားလုံး တမျိုးသားလုံး ပြန်လည်သင့်မြတ်ရေး ဦးတည်ချက်ဖြင့် ရိုးသားမှု၊ ပွင့်လင်မှု၊ အပြန်အလှန် လေးစားမှုတို့ကို အခြေခံကာ တွေ့ဆုံဆွေးနွေး အဖြေရှာခြင်းအားဖြင့် မုချဖြေရှင်းနိုင်ရမည်ဟု ကျွန်ုပ်တို့ မျှော်လင့်ကြပေသည်။ ယနေ့ကမBာတွင် အလွန်ရှုပ်ထွေးနက်နဲလှသော လူသားအားလုံး ပျက်ပြုန်းစေမည့် အနုမြူစစ်ပွဲကြီများ၏ အန္တာရာယ် ကိုပင်တွေ့ဆုံဆွေးနွေးအဖြေရှာခြင်းနည်းဖြင့်ယနေ့အချိန်အထိဟန့်တားနိုင်ခဲ့ပြီးဖြစ်ရာကျွန်ုပ်တို့နိုင်ငံတွင်အချင်းချင်း ဖြစ်ပွားနေရသော ပြဿနာဟူသမျှသည်လည်း မျက်နှာချင်းဆိုင် တွေ့ဆုံဆွေးနွေးခြင်းဖြင့် ချောမောပြေလည်ရမည်ဟု ကျွန်ုပ်တို့ ယုံကြည်ပေသည်။ ယင်းသို့တွေ့ဆုံရာတွင်- ၁။ တမျိုးသားလုံး ပြန်လည်သင့်မြတ်မှုနှင့် အပြန်အလှန်လေးစားလိုက်နာရေးမူ ၂။ တမျိုးသားလုံး ပြန်လည်သင့်မြတ်ရေးမူ ၃။ ငြိမ်းချမ်းချော်မွေ့သော နည်းကို အခွင့်သုံးချရေးမူ ၄။ အာဃာတ ကင်းစင်သော အထွေထွေသဟဇာတဖြစ်မှုကို ရှေ့ ရှူရေးမူ၊ စသည်တို့ကို ကိုင်စွဲကြရမည် ၏ဟုလည်း ကျွန်ုပ်တို့ ခံယူပေသည်။ ၁၂။ ပြည်သူ့ကိုယ်စားလှယ်များဖြင့် ပါဝင်ဖွဲ့စည်းသည့် ပြည်သူ့လွှတ်တော်ကိုခေါ်ယူဖွဲ့စည်းပေးရန် တောင်းဆိုပိုင်ခွင့်မှာ ပြည်သူလူထု၏ အခြေခံမူအကျဆုံးသော တရားဝင်ပိုင်ခွင့်တရပ် ဖြစ်ပေသည်။ ယင်းပိုင်ခွင့်ကို တောင်းဆိုရန် ပြည်သူ့ လွှတ်တော်ကိုယ်စားလှယ်များဖြစ်ကြကုန်သော ကျွန်ုပ်တို့၌တာဝန်ရှိပေသည်။ ၁၃။ သို့ဖြစ်ရကား ပြည်သူလူထုကြီး၏ဆန္ဒနှင့်အညီပြည်သူ့လွှတ်တော်ရွေးကောက်ပွဲအခန်း (၂)၊ ပုဒ်မ-၃ အရလည်းကောင်း၊ ဒီမိုကရေစီအနှစ်သာရများအရလည်းကောင်း၊ နိုင်ငံတကာကျင့်ထုံးကျင့်နည်းများနှင့် လျော်ညီစွာလည်း ကောင်း ၁၉၉ဝ ပြည့်နှစ်စက်တင်ဘာအတွင်းပြည်သူလွှတ်တော် ကိုယ်စားလှယ်များဖြစ်ကြကုန်သော ကျွန်ုပ်တို့က နိုင်ငံတော် ငြိမ်ဝပ်ပိပြားမှုတည်ဆောက်ရေးအဖွဲ့အား ဤနေ့ဤရက်မှစ၍ တညီတညွတ်တည်း တောင်းဆိုလိုက်ပြီး ဖြစ်ကြောင်း ကြေညာအပ်ပေသည်။ အမျိုးသားဒီမိုကရေစီအဖွဲ့ချုပ်၊ ပြည်သူ့လွှတ်တော်ကိုယ်စားလှယ်များ မဟတ္တမဂန္ဓီခန်းမဆောင် ဗိုလ်အောင်ကျော်လမ်း၊ ရန်ကုန်မြို့။ ထုတ်ဝေသူ – ဦးချစ်ခိုင် (အတွင်းရေးမှူး) န/သ ဝ၅၊ အမျိုးသားဒီမိုကရေစီအဖွဲ့ချုပ်၊ ရန်ကုန်မြို့၊ ပုံနှိပ်သူ – ဦးကျော်ဝင်း၊ (မြဲ ဝ၄၃၇၈) သုခဝတီပုံနှိပ်တိုက်၊ ၁၄၆၊ ၄၈ လမ်း၊ ရန်ကုန်မြို့။ ၁၉၉ဝ၊ သြဂုတ်လ၊ ဒုတိယအကြိမ်၊ စောင်ရေ ၃ဝဝဝဝ၊ တန်ဖိုး၊ ၁ ကျပ်။