Tuesday, April 9, 2013

မြန်မာ့ မာစတာစီမံချက်

"ပထဝီနိုင်ငံရေးမှာ အရေးပါသောမြန်မာ"၊ "တရုတ်နိုင်ငံ၏ မြန်မာမဟာဗျူဟာ အချိန်အဆအလွဲ" နဲ့ "မဟာပထဝီနိုင်ငံရေး" စတဲ့ စာတွေနောက်မှာ ဖြည့်စွက်တဲ့အနေနဲ့ ဒီစာကို ရေးပါတယ်။ မြန်မာ့အရေး ဟောပြော ရေးသားနေတဲ့ (ဘာတဲလ်-လင်တ်နာ) ထောက်ပြထားတာတွေကို အများဆုံးကိုးကားပါမယ်။

ပထဝီနိုင်ငံရေး တွန်းအားတွေအရ မလွဲသာမရှောင်သာလို့ မြန်မာစစ်အုပ်စု (ဗမခက သန်းရွှေရဲ့ နအဖ) ကနေ အခုလို လူတွေမထင်မှတ်တဲ့ အပြောင်းအလဲတွေကို လုပ်လာတာ ဖြစ်တယ်။ အကောင်အထည်ဖေါ်ရာမှာတော့ (သမ္မတ ဦးသိန်းစိန် အစိုးရ) ကနေ “ပုလိပ်ဆိုး-ပုလိပ်ကောင်း” ဆိုတဲ့ အစဉ်အလာနိုင်ငံရေးဝေါဟာရတခုအတိုင်း လုပ်ပါတယ်။ အထူးသဖြင့် တိုင်းရင်းသား လက်နက်ကိုင်အဖွဲ့တွေအရေးကို ကိုင်တွယ်ရာမှာ အပြင်းနည်းသုံးမယ်၊ မရသေးရင် (နောက်တယောက်ကနေ) အပျော့နည်းသုံးမယ် ဆိုတာပါ။

(၁) တိုင်းရင်းသားတွေကို ကိုင်တွယ်ရာမှာမကဘဲ (၂) ပြည်တွင်း-ပြည်ပအတိုက်အခံတွေကို ယဉ်ပါးသွားအောင် အတွက်ရော (၃) စစ်အုပ်ချုပ်ရေးကို ခါးခါးသီးသီးဆန့်ကျင်နေကြတဲ့ အနောက်အုပ်စုကို ဆွဲဆောင်ဘို့ရာအတွက်ပါ ဒီ အပူ-အအေးနည်း၊ မီးစတဖက် ရေမှုတ်တဖက်နည်းကို သုံးနေပါတယ်။ ခုထိတော့ အင်မတန် လိမ်မာပါးနပ်စွာ ရှေ့ဆက် သွားနေနိုင်တယ်လို့ ကောက်ချက်ချနိုင်ပါတယ်။

“ဘယ်လိုဘဲ အမှတ်ပေးတာတွေ တနေ့တခြားတိုးတိုးရနေပေမဲ့ တကယ့် အာဏာရှိသူတွေဟာ စစ်တပ်ကလူတွေသာဖြစ်ပြီး ရွေးကောက်ခံထားရသူတွေ မဟုတ်ပါ။”

ဒီအချက်ကို နားလည်ဘို့ရာ ၂ဝဝဝ နောက်ပိုင်းနှစ်တွေကို ပြန်သွားဘို့လိုပါတယ်။ ၂ဝဝ၃ မှာ အဆင့် (၇) ဆင့်ပါ စည်းကမ်းပြည့်ဝသောဒီမိုကရေစီ ဆိုတာကို အများတကာသိဘို့ရာ ထုတ်ပြန်လာတယ်။ ဒါကို ထုတ်ပြန်တဲ့တချိန်တည်းမှာ ဘယ်သူမှ အပြင်လူမသိအောင် “မဟာစီမံချက်” ကိုလည်း ချမှတ်ခဲ့ပါသေးတယ်။ အထူးသဖြင့် ဖိအားတွေပေးနေတဲ့ အနောက်နိုင်ငံတွေကို ဘယ်လို ချဉ်းကပ်မလဲဖြစ်ပြီး၊ အတိုက်အခံဖြစ်နေသူတွေ (ဒေါ်အောင်ဆန်းစုကြည် နဲ့ တိုင်းရင်းသားအဖွဲ့တွေ) ကိုလည်း ဘယ်လို ကိုင်တွယ်မလဲဆိုလည်း ပါတယ်။

ဒီ “မာစတာပလင်” ကို ဒုတိယဗိုလ်မှူးကြီး အောင်ကျော်သာနာမည်နဲ့ ရေးထားတဲ့ စာတမ်းတခုဖြစ်ပြီး စစ်တက္ကသိုလ် မဟာဝိဇ္ဇာစာတမ်းအနေနဲ့သာ မှတ်တမ်းထားပါတယ်။ ၂ဝဝ၄ မှာ ဗခမက သန်းရွှေကအတည်ပြုပြီးနောက်မှာ ထိပ်တန်း စစ်ခေါင်းဆောင်တွေကို ဖြန့်ဝေခဲ့ပါတယ်။ စာမျက်နှာပေါင်း ၃၄၆ နဲ့ မြန်မာလို ရေးထားပါတယ်။ ခေါင်းစဉ်က “အမေရိကန်-မြန်မာဆက်ဆံရေး” လို့ဖြစ်ပါတယ်။ “လက်ရှိ (အဲဒီကာလ) မှာ တရုပ်ကို မဟာမိတ်ပြုပြီး၊ စီးပွါးရေးမှာလဲ ဦးသျှောင်နေရာ ပေးထားခဲ့တာဟာ အမျိုးသားရေး အရေးပေါ် ဖြစ်လာနေပြီး တိုင်းပြည်ရဲ့လွတ်လပ်ရေးကိုပါ အန္တရာယ် ပြုနေပြီ” လို့ ကောက်ချက်ဆွဲတားပါတယ်။

လမ်းပြမြေပုံပြီးတာနဲ့ အနောက်နိုင်ငံတွေနဲ့ ဆက်ဆံရေးကို ပုံမှန်ပြန်ဖြစ်အောင် လုပ်ရမယ်၊ ရွေးကောက်ထားတဲ့ အစိုးရတရပ် ရှိလာမယ်။ ဒီလိုလုပ်ရတာဟာ စစ်တပ်ကနေ အုပ်ချုပ်နေတာဆိုရင် အနောက်နိုင်ငံတွေနဲ့ ဘယ်လိုမှ မဖြစ်နိုင်လို့ လုပ်ရတာလို့ အမှန်အကန်ယူဆပြီး လုပ်လာရတာဖြစ်တယ်။ အနောက်နိုင်ငံတွေရဲ့ဖိအားတွေနဲ့ ဒီမိုကရေစီ လိုလားသူများ အသံတွေက ထိရောက်တယ်ဆိုတာ ဘယ်သူမှ ငြင်းမရပါ။ တနည်းအားဖြင့် “စစ်ဗိုလ်ချုပ်ကြီးတွေ နှလုံးသားအပြောင်း၊ စေတနာကောင်းလာတာ မဟုတ်ပါ။” နောက်ပြီး “တရုပ်၊ အာစီယန်၊ အိန္ဒိယ နဲ့ ရုရှားတို့ကြောင့် ဒီလိုပြောင်းလာစေခဲ့တာ လုံးဝမဟုတ်ပါ။”

လူ့အခွင့်အရေးတွေဆိုတာကို အနောက်နိုင်ငံတွေက စိုးရိမ်သောကရောက်စရာလို့ အစဉ်တစိုက်ပြောနေကြပေမဲ့၊ အမေရိကန်အနေနဲ့ မဟာဗျူဟာာကျတဲ့ ချဉ်းကပ်မှုအတွက် လူ့အခွင့်အရေးကိုလည်း ရေရောဘို့ဝန်လေးမှာ မဟုတ်ဘူးလို့ မြန်မာစစ်ဗိုလ်ချုပ်ကြီးတွေက ကြိုတင်တွက်ဆထားပါသေးတယ်။ ဥပမာပေးတာမှာ အင်ဒိုနီးရှားနဲ့ ဖိလစ်ပိုင်မှာ အာဏာရှင်တွေ အုပ်စိုးစဉ်မှာ အမေရိကန်က ဘယ်လိုဆက်ဆံခဲ့တယ်ဆိုတာကို ထောက်ပြထားတဲ့အချက် ပါရှိနေတာက သက်သေပြေနေပါတယ်။ အမေရိကားရဲ့ မြန်မာပြည်နဲ့ပါတ်သက်တဲ့ ကိုယ်ကျိုးစီးပွါးဟာ တရုပ်ပါလို့ ရေးမထားပေမဲ့ နားလည်နိုင်တဲ့အချက်သာဖြစ်ပါတယ်။

အဲလိုသာ အနောက်ကမ္ဘာနဲ့ သဟဇာတမျှလာပြီဆိုတာနဲ့ ကမ္ဘာ့ဘဏ်၊ အိုင်အမ်အက်ဖ် စတာတွေကနေ ငွေကြေးနဲ့ အကူအညီတွေရမှာလို့ တွက်ချက်ထားပါသေးတယ်။ တချိန်တည်းမှာ အိမ်နီးချင်းဖြစ်တဲ့ တရုပ်ရဲ့ စိတ်ကောင်း သဘောထားနဲ့ ကုန်သွယ်စီးပွါးဆိုတာကလည်း အခုလို (ဂလိုဘယ်လိုက်ဇေးရှင်း) ခေတ်မှာ လက်လွှတ်လို့ မဖြစ်တာကိုလည်း စာတမ်းမှာ ရေးထားပါသေးတယ်။

ဒီလိုအပြောင်းအလဲထဲမှာ ဒေါ်အောင်ဆန်းစုကြည်ကို “ဆုံချက်” အဖြစ် သတ်မှတ်ထားတာ တွေ့ရပါတယ်။ ဒေါ်စုကို ထိန်းသိမ်းထားခြင်းဟာ ဖိအားကိုသာဖိတ်ခေါ်တာမို့ လွှတ်ပေးလိုက်ရင် ဖိအားတွေ သေချာပေါက်လျှော့သွားစေမယ်၊ အနောက်နိုင်ငံတွေနဲ့လည်း ဆက်ဆံရေးကောင်းလာစေမယ်လို့ သုံးသပ်ထားပါတယ်။

“သေရေးရှင်ရေးတမျှ အရေးပါတဲ့အချက်ကို ၂ဝဝ၄ စာတမ်းထဲမှာ အသေအချာ ရေးထားပါတယ်။ နဝတ ခေတ် စစ်ဗိုလ်ချုပ်ကြီးများရဲ့ အန္တိမရည်မှန်းချက်ဟာ အတိုက်အခံအားလုံး ချေမှုန်းရေးသာ ဖြစ်ပါတယ်။”

ဒီစာတမ်းထဲမှာ ပြည်ပမီဒီယာကိုလည်း သူတို့ပြိုင်လို့မနိုင်နိုင်ဘူးလို့ ပါခဲ့တယ်။ ဒါနဲ့ အရင်ပြန်ကြားရေးဝန်ကြီး အတော်ကြိုးစားပါတယ်။ အစိုးရမဟုတ်တဲ့ အဖွဲ့အစည်းတွေကိုလဲ သူတို့က မတုနိုင်ဘူးလို့လည်း စာတမ်းမှာပါသေးတယ်။ အမေရိကန်နိုင်ငံရေးသမားတွေကို ဖိတ်မယ်ဆိုတာလည်းရေးထားပါတယ်။ အားလုံးသိတဲ့အတိုင်း (ဆန်ရှင်) ဆန့်ကျင်ရေးသမား ဆီနေတာ ဂျင်-ဝက်ဘ် အခေါက်ခေါက်ရောက်လာပါတော့တယ်။ အိန္ဒိယသံတမန်တွေကို ပွဲစားလုပ်စေမယ်ဆိုတာလည်း ပါသေးပါတယ်။ ဒီအချက်အတွက် အိန္ဒိယက နောက်ပိုင်းမှာ အမှတ်ယူပါတယ်။

လက်ရှိသမတ ဧပြီလထဲ တရုပ်ပြည်သွားတဲ့အချိန်မှာ ပြောခဲ့တဲ့အချက်တခုရှိပါတယ်။ အနှစ် ၂ဝ ကြာတရုပ်ကနေ စစ်အစိုးရဘက်မှာ ပြတ်ပြတ်သားသား ရပ်တည်ပေးခဲ့တာအတွက် ကျေးဇူးတင်တယ်ဆိုတာဖြစ်ပါတယ်။ ဒါဟာ ဦးသိန်းစိန်က အမှန်အတိုင်း ပြောခဲ့တာပါ။ ၁၉၈၈ လူထုအုံကြွမှုကြီးကစပြီး အနောက်နိုင်ငံတွေက ဝိုင်းပယ်ထားချိန်မှာ တရုပ်ဟာ စစ်အစိုးရအတွက် ကယ်တင်ရှင်အစစ် ဖြစ်ခဲ့တာပါ။ တရုပ်ကနေ စစ်လက်နက်တွေ၊ ချေးငွေတွေ၊ သံတမန် အကာအကွယ်တွေ (ကုလ လုံခြုံရေးကောင်စီအထိ)၊ ရခဲ့တာကတော့ စစ်ဗိုလ်ချုပ်တွေ အကြိုက်တွေချည်းပါဘဲ။ “တရုပ်ကျေးဇူးကြီးတယ်ဆိုတာ စစ်အစိုးရအတွက်တော့ အလွန်မှန်ပါတယ်။”

တချိန်တည်းမှာ မူးယစ်ဆေးဝါး စိုက်ပျိုး-ထုတ်လုပ်-ရောင်းဝယ်မှု၊ ကျောက်သံပတ္တမြားတွေ တရားဝင်ရော တရားမဝင်ပါ တရုပ်ဘက်ချည်း ရောက်နေခြင်း၊ မြန်မာ့သစ်တောတွေ မြင်မကောင်းအောင် ပျက်စီးဆုံးရှုံးတာတွေလည်း ပယ်ပယ်နယ်နယ် ခံရတာဟာ အနှစ် ၂ဝ ရှိသွားပြီလို့ စစ်ဗိုက်ချုပ်တွေက စာတမ်းရေးတော့ သတိထားမိလာကြာတယ်။ တရုပ်နဲ့ UWSA ဝပြည်သွေးစည်းညီညွတ်ရေးတပ်တို့ရဲ့ နောက်ကွယ်က ကြီးမားများပြားလှတဲ့ အဆက်အသွယ်ကိုလည်း မသိတာမဟုတ်ပါ။ စာတမ်းထဲမှာ မပါတဲ့အချက်ကတော့ မြန်မာလူထုအကြားမှာလည်း တရုပ်ဆန့်ကျင်စိတ်ဓါတ်တွေ တနေ့တခြား တိုးပွါးလာနေတာ ဖြစ်ပါတယ်။

ဒီလိုနဲ့ ဦးသိန်းစိန်ကနေ ၂ဝ၁၁ စက်တင်္ဘာလထဲမှာ မြစ်ဆုံရေကာတာစီမံကိန်းကို ရပ်နားထားဘို့ အဆုံးအဖြတ်ကြီးကို ချပါတော့တယ်။ ဒါကို အမေရိကန်အမြင်နဲ့ကြည့်ရင် တရုပ်ဆီကနေ မြန်မာခွါလာခြင်းဟာ သူတို့ဝင်ဘို့ အခွင့်ကောင်း တရပ်လို့ ယူဆပါလိမ့်မယ်။ အမေရိကန်ဟာ မြန်မာ-မြောက်ကိုရီးယားဆက်ဆံရေးကို မလိုလားတာကို ဖွင့်ပြောနေတာပါ။ ပြီးခဲ့တဲ့နှစ် ဒီဇင်္ဘဘာမှာ (ဟယ်လရီ) လာချိန်မှာ ဒီအချက်က ဆွေးနွေးပွဲအာဂျင်ဒါမှာ ပါခဲ့တာဖြစ်ပါတယ်။

၂ဝ၁၁ ခုနှစ်ထဲမှာ မြောက်ကိုရီးယားကနေ မြန်မာနိုင်ငံကို သင်္ဘောတွေနဲ့ ပစ္စည်းတွေပို့ဘို့ အကြိမ်ကြိမ်ကြိုးစားခဲ့ပါတယ်။ ၂၆-၅-၂ဝ၁၁ နေ့မှာ မြောက်ကိုရီားးကနေ မြန်မာနိုင်ငံကို ဦးတည်ခုတ်မောင်းနေတဲ့ သင်္ဘောတစင်းကို အမေရိကန် USS McCampbell စစ်သင်္ဘောက M/V Light နဲ့တွေ့ရှိခဲ့ပါတယ်။ ဒုံးကျည်တွေအပြင် တခြားစစ်သုံးပစ္စည်းတွေလဲ ပါမယ်လို့ ယူဆရပါတယ်။ အမေရိကန်ဖျက်သင်္ဘောက အမိန့်ပေးတာကို မြောက်ကိုရီးယားက ငြင်းဆန်နိုင်ခဲ့ပါတယ်။ ဒိနောက်မှာလဲ ရှန်ဟဲပင်လယ်ထဲမှာ တခါထပ်တွေ့ပြန်ပါတယ်။ နောက်ဆုံးမှာ မြောက်ကိုရီးယားသင်္ဘော တပ်ခေါက်ပြန်သွားရပါတယ်။

ပြည်တွင်းအတိုက်အခံနဲ့ ပြည်ပနေအတိုက်အခံတွေက ငြိမ်နေကြမှာမဟုတ်ပါ။ ဒါပေမဲ့ နိုင်ငံတကာက အခုလို ပုလိပ်ဆိုး-ပုလိပ်ကောင်း ရှေးဟောင်းနည်းကို လက်ခံလာမှာပါ။ ခက်တာက ရေရှည်မှာ ၂ဝဝ၄ က ချထားခဲ့တဲ့ စစ်နည်းဗျူဟာ မာစတာပလင်ဟာ အလုပ်ဖြစ်ပါ့မလား။

ဦးအောင်သောင်းကို “ပုလိပ်ဆိုး” အလုပ်ခိုင်းထားပါတယ်။ ဦးအောင်သောင်းဟာ ဒီပဲယင်း လူသတ်ပွဲကြီးရဲ့ “မာစတာဘရိမ်း” လို့ လူအများက ယူဆထားသူပါ။ “ပုလိပ်ကောင်း” အဖြစ်သရုပ်ဆောင်ဘို့ရာ လူရှာတော့ ဦးအောင်မင်းကို ရွေးထုတ်လိုက်ပါတယ်။

ဦးအောင်မင်းဟာ ထိုင်းနဲ့ မြန်မာအကြား ဥဒဟိုသွားပြီး အတိုက်အခံတွေကိုတွေ့ပါတယ်။ အတော်များများကတော့ သံသယကြီးကြတယ်။ ယုံပြီးပုံလိုက်သူတွေလည်း ရှိတာပါဘဲ။ ဦးအောင်မင်းဟာ တချိန်က ထောက်လှမ်းရေးအကြီးအကဲ (၁၉၈၃ မှာ ဦးနေဝင်း ထုတ်ပယ်ထာခံခဲ့ရတဲ့) တင်ဦး ရဲ့လူ ဖြစ်ပါတယ်။ တင်ဦးဟာ ၁၉၅၇ တုံးက အမေရိကန် ဆိုက်ပန်ကျွန်းမှာ (စီအိုင်အေ) ကနေ လေ့ကျင်ပေးထားသူ ဖြစ်ပါတယ်။ သူတို့လူစုဟာ ရက်စက်ရာမှာကမ်းကုန်ပြီး၊ နိုင်ငံရေး အမြင်မတူသူ မှန်သမျှကိုလဲ ကောက်ကျစ်စဉ်းလဲစွာနဲ့ နှိမ်နင်းရာမှာ တဖက်ကမ်းခတ်သူတွေ ဖြစ်ပါတယ်။ ဗခ ခင်ညွန့်က နောက်ပေါက်ပါ။ ဦးအောင်မင်းဟာ ၁၉၈၃ ဖြုတ်ထုတ်ပွဲမှာ ရှင်ကျန်ရစ်နိုင်ခဲ့ပြီး ၁၉၉၂ မှာ တပ်ရင်း ၂၁ မှာ၊ ဒိနောက် ၆၆ ခြေမြန်တပ်မနဲ့ နောက် ၂ဝဝ၁ မှာ တောင်ပိုင်းတိုင်းမှူး ဖြစ်လာပါတော့တယ်။ ၂ဝဝ၃ ရောက်တော့ ဗခမက သန်းရွှေရဲ့ မီးရထားဝန်ကြီး ဖြစ်လာပါတယ်။ အခုတော့ နိုင်ငံတကာငွေ (ခရိုနာ၊ ဒေါ်လာ၊ ယန်း၊ ယူရို) တွေနဲ့ ချမ်းသာနေတဲ့ ငြိမ်းချမ်းရေး မဟာပရောဂျက် ထိပ်ပေါ်က တမင်တကာပြုံးပြနေတဲ့ ရေပန်းစားလှတဲ့ ဝန်ကြီးဖြစ်ပါတယ်။

စစ်တပ်သည်သာ အာဏာရှိနေစေရေး အန္တိမရည်မှန်းချက်အတွက် ပူလောင်ချက်ဟာ တိုင်းရင်သားလက်နက်ကိုင်ကိစ္စ ဖြစ်ပါတယ်။ တိုင်းရင်သားတွေအနေနဲ့ လက်ရှိအစိုးရသုံးနေတဲ့ နည်းနာတွေကို ဘယ်လိုတုံ့ပြန်လာမလည်းဆိုတာ စောင့်ကြည့်ရမှာဖြစ်ပါတယ်။ စစ်အုပ်စုဟာ ဖက်ဒရယ်ကို လက်မခံချင်တာရှင်းပါတယ်။ ၂ဝဝ၈ ဖွဲ့စည်းပုံ အခြေခံဥပဒေက မဟာတံတိုင်းကြီး ဖြစ်ပါတယ်။ ခက်ခဲတာတွေကို ရအောင်လုပ်တဲ့ အကျင့်ကိုတော့ မြန်မာလူမျိုးတွေ လုပ်နေကြရတာပါ။ စတေးရတာနဲ့ မကာမိတာတွေကလည်း များလှပါတယ်။

တရုပ်-အမေရိကန် အားပြိုင်မှုကနေ စိန်ခေါ်မှုအသစ်တွေ မလွဲမသွေ မြန်မာတွေ ရင်ဆိုင်ရပါလိမ့်မယ်။ အမေရိကန်နဲ့ ဆက်ဆံရေး မှန်လာရင် တရုပ်ကလည်း ဒီအတိုင်းနေမှာ မဟုတ်တာကို စစ်ဗိုလ်ချုပ်တွေက တွက်ဆခဲ့ပါတယ်။ ကံမတော်ရင် တိုင်းပြည် လွတ်လပ်ရေးကိုပါ ထိပါးနိုင်တယ်လို့ တွက်ဆာတာမို့ ထိန်းညှိတဲ့ ဆက်ဆံရေး နည်းလမ်းကိုသာ ရွေးလိုက်ပါတယ်။ လက်ပံတောင်း အစီရင်ခံစာဟာ ဒါမျိး ဖြစ်နိုင်ပါတယ်။ ခေါင်းခံရတာကတော့ ဒေါ်အောင်ဆန်းစုကြည်ပါ။ ဒေါ်စုကလည်း တိုင်းပြည်ကောင်းမယ်သာဆိုရင် အသုံးချတာကို ခံနိုင်တယ်လို့ ဆိုပါတယ်။ တခြားဘယ်ခေါင်းဆောင်များ အဲလိုပြောဘူး၊ လုပ်ဘူးပါသလဲ။

အဲလိုသာမဟုတ်ရင် တရုပ်ရဲ့ နောက်ခြေလှမ်းဟာ ဘာလဲတွေးကြည့်ပါ။ လွန်ခဲ့တဲ့ အနှစ် ၆ဝ ကျော် (၁၉၅ဝ အောက်တိုဘာ) က တိဘက်လိုဖြစ်မလား၊ စစ်အေးကာလမှာ အမေရိကန်စစ်စခန်းတွေ ဆောက်ခွင့်ပေးခဲ့ရတဲ့ ဖိလစ်ပိုင်လို ထိုင်းလိုဘဝမျိုး ဖြစ်မလား၊ ၂၁ ရာစုမို့ တခြားနည်းလား၊ ကနေ့ တောင်ကိုးရီးယား နိုင်ငံသားတွေ ခံစားနေရတဲ့ ဘဝမျိုးဖြစ်မလား။ စဉ်းစာတိုင်း ရင်လေးစရာချည်းသာ တွေ့ပါလိမ့်မယ်။

တိုင်းပြည်ရဲ့ အမိ၊ လူထုရဲ့အဖလို့ ကြွေးကျော်ကြသူတွေ ယူထားခဲ့တဲ့ ကောင်းမွေ၊ ဆိုးမွေမှန်သမျှကို နောက်လူတွေ ဆက်ခံနေရတဲ့သဘောပါ။ ငါတို့ယူထားတဲ့အကြွေး မဟုတ်ဘူးလို့ လုပ်မရပါ။ အကြွေးဆပ်ဘို့အရေး သမီးမပေးရရင် တော်လှပြီလို့ သဘောထားသင့်တဲ့ဘဝပါ။

ဒါကြောင့် (၁) ဖွဲ့စည်းပုံပြင်ဆင်မှုကို ထိထိရောက်ရောက် မလုပ်နိုင်ရင်၊ (၂) တိုင်းရင်းသား အရေးကို ရေရှည်အတွက် မရှင်းနိုင်ကြရင်၊ (၃) တရုပ်-အမေရိကန် ဆက်ဆံရေးကို လိမ်မာပါးနပ်မှု မရှိဘဲ တဖက်ဖက်မှာ ကဲသွားလိုက်ရင်တော့ ခုထိ ပြုပြင်ပြောင်းလဲမှုအပေါ်မှာ မြင်နေပြောနေကြတဲ့ အကောင်းမြင်ကာလဟာ ရှည်ကြာလှမယ် မထင်ပါ။

• မဟာပထဝီနိုင်ငံရေး http://dts-political-page.blogspot.in/2013/02/blog-post_26.html
• တရုတ်နိုင်ငံ၏ မြန်မာမဟာဗျူဟာ အချိန်အဆအလွဲ http://dts-political-page.blogspot.in/2013/03/blog-post_19.html
• ပထဝီ နိုင်ငံရေးမှာ အရေးပါသော မြန်မာ http://dts-political-page.blogspot.in/2013/03/blog-post_9628.html
• Myanmar: Geopolitical allusions မြန်မာနိုင်ငံကပြနေသော ပထဝီနိုင်ငံရေး အရိပ်အမြွက် http://dts-political-page.blogspot.in/2013/03/myanmar-geopolitical-allusions.html
• “မြန်မာပြည်ကို တရုပ်က အပိုင်သိမ်းတော့မယ်” ဆိုတဲ့ အယူအဆကနေ ၂ဝဝ၄ ကစပြီး မြန်မာပြည်မှာ ထင်မထားတာတွေ ဆက်တိုက်ဖြစ်လာခဲ့ http://dts-political-page.blogspot.in/2013/02/blog-post.html

ဒေါက်တာတင့်ဆွေ
၁ဝ-၄-၂ဝ၁၃