Friday, March 1, 2013

စစ်ဗစ် (၂)

“ပေါ်လက်တစ်အစ စစ်ဗစ်က” နောက်မှာ ဒါလေးဆက်ရေးပါရစေ။

(စစ်ဗစ်) ပုံသဏ္ဌာန်
(စစ်ဗစ်) လုပ်တာမှာ ပုံသဏ္ဌာန်အမျိုးတွေ အများကြီးရှိတယ်။ တကိုယ်တော်လဲ လုပ်နိုင်တယ်။ အသင်းအပင်းနဲ့လဲ လုပ်နိုင်တယ်။ (အစ်ရှူး) အကြောင်းအရာတခုကို တိုက်ရိုက်လုပ်တာရော သွယ်ဝှိုက်တာပါ လုပ်နိုင်တယ်။ သူများတွေနဲ့ တွဲလုပ်တဲ့အခါလဲ တွဲလုပ်ရတယ်။ ပုဂ္ဂိုလ်ရေး မတူတာတွေ စုပြီးလုပ်ကြပေမဲ့ ဦးတည်ချက်မှာ ဆုံချက်ထားရတယ်။ ဥပမာ “လူငယ် စစ်ဗစ် အင်ဂေ့ခ်ျမင့်” ဆိုတာမျိုးဟာ တကယ့်လူငယ့်အသံ၊ လူငယ့်စိတ်ဝင်စားမှုတွေအတွက် လူငယ်တွေ ဝိုင်းလုပ်ကြရတယ်။

(စစ်ဗစ်) ပါဝင်လုပ်ဆောင်ခြင်း
ကနေ့ နိုင်ငံရေးထဲမှာ (ကက်ပ်) ဦးထုပ်ဆောင်းလုပ်ကြတာမျိုး၊ (တီ-ရှပ်) ဝတ်ပြီး လုပ်ကြတာမျိုးကို Civic engagement (စစ်ဗစ် အင်ဂေ့ခ်ျမင့်) လူတွေ ပါဝင်လုပ်ဆောင်ခြင်းလို့ ခေါ်တယ်။ တကယ်လိုအပ်ပါတယ်။ သူတို့ရည်ရွယ်ချက်က ပင်နီအင်္ကျီ၊ ကချင်ပုဆိုးဝတ်ကြသူ နိုင်ငံရေးသမားတွေနဲ့ မတူတတ်ပါ။ တူတာလဲရှိပါမယ်။ တချိန်မှာ သူတို့ပါ စုံချပုဝါတွေ၊ မောင့်ကြက်သရေခေါင်းပေါင်းတွေနဲ့ ဖြစ်လာကြမှာပါ။

လူထုလို့ပြောပြော၊ အများလို့ဆိုဆို အစိုးရလုပ်သူများ မှားလုပ်ထားတဲ့၊ မလုပ်သေးတဲ့၊ မေ့ကျန်နေတဲ့ (အစ်ရှူး) အမျိုးမျိုးတွေအတွက် လုပ်ဆောင်ရတာမျိုးပါ။ ဒီလိုလုပ်ကြရတာတွေ အများကြီးရှိတဲ့ထဲမှာ ဆုံးဖြတ်ချက်ချခြင်းက အရေးအပါဆုံးဖြစ်တယ်။ ဥပမာ တိုင်းပြည်ရဲ့ သယံဇာတအရင်းအမြစ်တွေကို ဘယ်သူတွေကနေ၊ ဘယ်သူတွေရဲ့ အကျိုးစီးပွါးအလို့ငှာ၊ ဘယ်ပုံဘယ်နည်းနဲ့ ဆုံးဖြတ်မလဲဆိုတာမျိုး ဝိုင်းပြီးအဖြေရှာပေးကြတာမျိုးပါ။ (ဒီမိုကရက်တစ် ဂါးဗားနင့်စ်) ဒီမိုကရေစီအုပ်ချုပ်ရေး ဆိုတာရဲ့ အခြေခံလည်း ဖြစ်တယ်။ တနည်းပြောရရင် လူထုကနေ ဘယ်လိုဟာမျိုးက ကောင်းတယ်၊ ဘယ်ပေါ်လစီက အသင့်မြတ်ဆုံးဖြစ်တယ်၊ ဒါတွေဖြစ်လာဘို့ရာ ရှိနေပြီးသားတွေကို ပြင်မလား၊ အသစ်နဲ့ အစားထိုးမလား ဆိုတာအတွက် ကိုယ်တိုင်ပါဝင်လုပ်ဆောင်တာဟာ (စစ်ဗစ် အင်ဂေ့ခ်ျမင့်) ဖြစ်ပါတယ်။

(စစ်ဗစ်) သတ္တိ
အများပြည်သူနဲ့ဆိုင်တာတွေ၊ ရွေးကောက်ပွဲနဲ့ဆိုင်တာတွေနဲ့ နိုင်ငံရေးသန့်သန့်၊ ဘာကိုလုပ်လုပ် Civic courage သတ္တိလဲ ပါတယ်။ လူတွေကို၊ ပရိဿတ်ကို သြဇာအပြည့်နဲ့ ကိုယ်ဖြစ်စေချင်တာကို ပြောရဲဆိုရဲတဲ့သတ္တိကို ဆိုလိုတာ ဖြစ်ပါတယ်။ ဒါပေမဲ့ နေရာတိုင်းမှာ သြဇာသုံးဘို့မလိုပဲ ကိုယ့်ရည်မှန်းချက်ပေါက်မြောက်အောင် ဆွဲဆောင်နည်းတွေကို သုံးရတယ်။ ဘယ်နေရာမှာ ဘယ်လိုနည်းဗျူဟာသုံးမလဲဆိုတာ နိုင်ငံတွေ၊ လူမျိုးတွေ၊ ယဉ်ကျေးမှုတွေ မတူရင် မတူသလို ခြားနားတယ်။ အဖြူတွေလာပေးတဲ့နည်းတိုင်း အသုံးတည့်ချင်မှ တည့်ပါမယ်။ အရိပ်သုံးပါး နားလည်ရလိမ့်မယ်။ ၁၉၉ဝ ပြုပြင်ပြောင်းလဲရေး (ပဲရီစထွိုက်ကာ) ကာလမှာ (ဆက်ခရော့ဖ်) ဆုကို ရုရှားစာရေးဆရာများအသင်းက “စစ်ဗစ်သတ္တိဆု” ပေးခဲ့တယ်။ ကျွန်တော်တို့နိုင်ငံမှာလဲ ဒီလိုလုပ်လာတာ အားတက်စရာ ဖြစ်ပါတယ်။

(စစ်ဗစ်) သီလ
Civic virtue (စစ်ဗစ်) သီလတရားလဲ လိုပါတယ်။ လူတယောက်ရဲ့ အကျင့်စာရိတ္တ၊ အမူအကျင့်၊ ဝါသနာ စတာတွေဟာ လူထုဆက်ဆံရေးမှာ အောင်မြင်ရေးဘို့ အလွန်တရာ အရေးပါတယ်။ ဒီမိုကရေစီရင့်ကျက်နေတဲ့ တိုင်းပြည်တွေမှာ ခေါင်းဆောင် (သမတ၊ ဆီနေတာ၊ ဝန်ကြီးချုပ်) ရွေးတဲ့အခါ စကာတင်စစ်တော့ ယှဉ်ပြိုင်အရွေးခံသူတွေရဲ့ နိုင်ငံရေး၊ ရွေးကောက်ပွဲ (ကင့်ပိန်း)၊ စကားစစ်ထိုးစွမ်းရည် စတာတွေအပြင် ကိုယ်ရည်ကိုယ်သွေးကိုပါ ထည့်စဉ်းစားကြလေ့ရှိတယ်။ အိမ်ထောင်ရေး၊ အကျင့်စာရိတ္တ၊ အရက်သောက်တဲ့အလေ့အထတွေကိုလဲ စိစစ်ပါတယ်။

နိုင်ငံရေး အသင်းအဖွဲ့တွေ၊ စာသင်ကျောင်းတွေ။ (စကောက်) အဖွဲ့တွေမှာ ကိုယ်ပိုင် ကျမ်းကြိမ်သလိုဆိုရတာတွေ ရှိတယ်။ အဓိဋ္ဌာန် ဆိုရတာမျိုးလဲ ကျင့်သုံးရတယ်။ အလားတူ (စစ်ဗစ်) အသင်းအဖွဲ့တွေမှာ ကတိသစ္စာ ဆိုတာမျိုးလဲ လုပ်လေ့ရှိတယ်။

ပေါ်လက်တစ်အစ စစ်ဗစ်က http://dts-political-page.blogspot.in/2013/01/blog-post_19.html

ဒေါက်တာတင့်ဆွေ
၃-၃-၂ဝ၁၃